呢個世界冇人想交稅啊!

雖然香港稅率於全球來說屬於低水平,但福利同樣低水平(其實換過高稅率高福利嘅地方一樣唔想);所以,呢個世界冇人想交稅啊!冇!人!想!交!税!那麼到底如何可以合情合法又合理地扣稅呢?


1)人人有份之選:基本免稅額 每個人都有一些基本免稅額,記得計清楚唔好蝕抵,包括個人/已婚人士免稅額、供養子女/父母/兄弟姊妹/祖父母/外祖父母免稅額、單親或傷殘人士免稅額、仲有強積金,千祈唔好報漏!

2)用得着之選:自願醫保 基本住院保障人人都需要(有能力始終唔想入公立醫院排隊),選取合資格自願醫保的好處除了實在地有保障外,更無論是自己或幫家人購買都可以扣稅;缺點是保費只納入扣稅額,實際扣除的稅額其實很少。

3)上進之選:進修 個人進修開支的扣稅額上限高達$10萬,與基本扣稅額接近,不過審批諸多限制,課程及教育提供者等全部必須根據指定名單,因此要揀中有興趣進修而又符合資格的課程並不容易。

4)錢搵錢之選:年金或TVC 合資格年金保費及可扣稅強積金自願性供款(TVC)屬於儲蓄同時又可扣稅的選擇,最抵!年金是低風險低回報的保本穩健型儲蓄,而TVC即額外供多啲強積金,如果你現有的強積金組合回報靚仔, 咁選擇TVC就比年金更容易做到資產增值。兩者加埋扣稅額上限為$6萬,即最多可實扣約$1萬稅款。

5)善心之選:慈善捐款 $100以上的認可慈善捐款即可扣稅,上限為應評稅利潤的35%,是唯一按收支百分比計算上限的扣稅選擇,幫人越多幫自己也越多!大推薦!

6)富人之選:買樓買車位 自住或出租物業的按揭利息皆可以扣稅,至於車位則必須自用才能將其貸款利息納入扣稅額內,兩者合共上限$10萬;然而,購置物業時的稅收早已遠比其年度扣稅額為多。

如果以上六大選項扣盡之後依然需要交稅,我真係恭喜你啊,證明你的收入非常可觀,咁你就交多啲税,造福人群啦!