一切從強積金開始

好多寶寶話唔識投資、唔想投資、唔鍾意投資,但其實個個一早被迫投資緊,只係自己選擇做鴕鳥瞇埋眼扮睇唔到,所以投資第一課,首先從管理強積金開始。根據極極極極微小統計(自行訪問身邊朋友data base大概100人左右),總結出5個最大迷思:


Photo via Behance by Sandrine and Michael, 2016

1)保守基金 = 唔使投資? 理解上雖然冇錯,法例規定每個強積金計劃須至少要提供一個保守基金選項,而呢個選項係將你的供款透過基金公司存於銀行做定期,不參與投資市場。但係情況就會比你自己放錢入銀行更差,因為自己放錢入銀行最多跑輸通脹,而強積金入面的保守基金除了同樣跑輸通脹以外,還會收取基金管理費,所以絕對唔建議大比重地持有。


2)預設投資策略好唔好? 預設投資策略是按年齡分配投資比例,年輕的時候股票比例佔60%、債券比例佔40%,隨年紀增長而將股票比例調低、債券比例調高,直至64歲後債券比例佔80%,自動幫你降低風險。對於毫無概念的寶寶們,預設投資策略不失為考慮之一,好處是基金管理費有收費上限,然而,股票比例最多只有六成,加上對於基金選項沒有自主選擇權,無法主動捕捉市場機遇,增值潛力有一定性限制。


3)成日轉換就最好? 這個問題就跟到底股票應該長渣定短炒一樣沒有標準答案,完全取決於個人投資技術。身邊有all in買一款基金10年唔轉然後得到超過100%回報的寶寶;亦有根據特定投資策略每月轉換基金,然後每年賺8-15%的寶寶,實在全憑各家本事(或者運氣),所以重點回歸返去基金選擇多於轉換頻率。


4)咁究竟應該點揀? 投資重點在於懂得選出優質基金,學識睇回報表之餘簡單了解一下隻基金到底投資緊什麼公司、什麼市場;然後對投資市場保持一定的敏感度,以便在大市出現大規模波動(例如去年二、三月全球股市下跌、美股熔斷及歷史首見負油價等大型狀況)時作出應對。

5)強積金可以退稅?

強積金本身已經係退稅項目,所以一定要記得在報稅表上面寫清楚強積金供款總額(第四部薪俸稅4.3項第4格:以僱員身份付給認可退休計劃的強制性供款)。No joke!真係好多人會填漏,咁就豬豬!另外如果想再額外扣多啲税,只要額外作出自願性供款(TVC),扣稅額上限為每年$60,000,截止日期跟税季結算一樣為3月31日,最後28天考慮。

強積金管理得好,再買基金股票零難度;又或者係,強積金管理得好,可能真係可以足夠退休。


#投資寶寶二三事 #歡迎DM向我們查詢強積金顧問服務

Drop Me a Line, Let Me Know What You Think

© 2021 by Risk to Blossom. Ready to bloom with girls.